Makakuha ng tulong sa online
Sunog sa Los Angeles Ngayong 2025

Tulong sa sakuna mula sa FEMA

Kasama sa tulong sa kalamidad ng FEMA ang mga pondo para sa pabahay at pagkukumpuni. Ang huling araw ng pag-apply ay sa Marso 31, 2025. Pero maaari kang magsumite ng late na aplikasyon 60 araw pagkatapos ng deadline. Pumunta sa DisasterAssistance.gov para mag-apply o tingnan ang status ng iyong aplikasyon.

Kung tatanggihan ng FEMA ang iyong aplikasyon, mayroon kang 60 araw para apelahin ang desisyon ng FEMA.

Alamin pa sa page na Sunog sa LA ng FEMA o tingnan ang mga update sa balita ng FEMA.

Relief sa mortgage

Makakuha ng relief sa mortgage para sa mga istrakturang nasira o natupok ng apoy sa LA. Nakipagtulungan ang estado sa malalaking lender para maibigay ang relief na ito. Mahigit 400 lender ang nangakong:

• Babawasan o ihihinto ang mga pagbabayad ng mortgage nang 90 araw
• Iwe-waive ang mga bayarin para sa nahuli (late) nang 90 araw
• Poprotektahan ang mga may-ari mula sa mga panibagong foreclosure o pagpapaalis nang 60 araw
• Hindi mag-uulat ng mga nahuling pagbabayad sa mga credit agency

Bisitahin ang Mga resource para sa relief sa mortgage para sa listahan ng mga kalahok na lender at higit pa.

Proteksyon sa foreclosure

Itinigil ng U.S. Department of Housing and Urban Development (HUD) ang mga foreclosure para sa mga apektado ng sunog. Para maging kwalipikado, ang iyong mortgage ay dapat na:

• Para sa isang pamilya, at
• Insured ng Federal Housing Administration (FHA).

Kung nahaharap ka sa foreclosure, makipag-ugnayan sa iyong kumpanya ng mortgage. Maaari mo ring tawagan ang FHA Resource Center sa (800) CALL-FHA.

Proteksyon para sa umuupa

Proteksyon laban sa pagpapaalis

Ipinagbawal ng Lupon ng Mga Superbisor ng County ng LA ang pagpapaalis sa mga nangungupahan na kwalipikado. Aabot nang hanggang Hulyo 31, 2025 ang proteksyong ito. Tingnan ang Mga FAQ tungkol sa resolusyong ito (PDF).

Pinoprotektahan ng Lungsod ng Los Angeles ang mga kwalipikadong nangungupahan laban sa pagpapaalis. Aabot nang hanggang Hulyo 31, 2025 ang proteksyon. Kwalipikado ka kung nawalan ka ng mga kita dahil:

• Nasira ng mga wildfire ang iyong lugar ng trabaho o hindi na ito magagamit dahil dito, o
• Tinanggal ka ng iyong employer o binawasan niya ang iyong mga oras ng trabaho, o
• Ang iyong mga kliyente ay nasa mga lokasyon na pinangyarihan ng mga wildfire, kaya nawalan ka ng kita.

Ang mga nangungupahan ay pinoprotektahan din laban sa mga pagpapaalis para sa mga renobasyon hanggang sa petsang ito.

Kung nangangailangan ka ng proteksyon laban sa pagpapaalis sa Lungsod o County ng Los Angeles, dapat mong abisuhan ang iyong landlord. Magpadala ng Abiso sa Landlord Tungkol sa Kawalan ng Kakayahang Magbayad ng Upa (PDF).

Libreng pamamagitan
Nagbibigay ng mga libreng serbisyo sa pamamagitan ang Department of Consumer and Business Affairs (DCBA). Tinutulungan nito ang mga nangungupahan at landlord na mapagkasunduan ang isang plano sa pagbabayad. Tumawag sa (800) 593-8222 para alamin pa.

Gabay sa Tulong sa Sakuna para sa Mga Imigrante

Puwede mong makuha ang gabay sa 5 wika

• English
• Spanish
• Simplified Chinese
• Traditional Chinese
• Armenian

mula sa Department of Financial Protection and Innovation (DFPI)

Kung naapektuhan ka ng sunog at mayroon kang mga loan ng estudyante, posibleng kwalipikado ka para sa relief.
Tingnan ang FAQ Tungkol sa Relief sa Loan ng Estudyante.

Mga proteksyon para sa consumer laban sa pagtataas ng presyo

mula sa Office of the Attorney General

Tungkol sa pagtataas ng presyo

mula sa County ng Los Angeles

Form ng reklamo kaugnay ng proteksyon para sa consumer

mula sa County ng Los Angeles

Form ng reklamo kaugnay ng pagtataas ng presyo

mula sa Lungsod ng Los Angeles