Manatiling malusog
Sunog sa Los Angeles Ngayong 2025

Alamin kung paano manatiling ligtas at malusog habang bumabangong muli.

Kaligtasan ng hangin

Maunawaan ang kalidad ng hangin at kung paano maprotektahan ang iyong sarili mula sa mga lason.

Kalidad ng hangin sa labas

Ngayong wala nang sunog, gumanda na ang kalidad ng hangin. Ngunit puwede mong alamin ang air quality index (AQI) mula sa South Coast Air Quality Monitoring District.

Tingnan kung paano sinusubaybayan ang kalidad ng hangin sa iyong lugar.

Kalidad ng hangin sa loob

Posibleng may mga lason pa rin sa iyong tahanan mula sa usok at abo. Magsuot ng respirator at iba pang proteksyon kapag bumalik ka sa tahanan.

Kaligtasan ng tubig

Nakontamina ng sunog ang ilang sistema ng patubig. Hanapin ang pinakabagong impormasyon tungkol sa kaligtasan ng tubig mula sa iyong provider ng tubig. Tingnan ang iyong bill ng tubig para mahanap ang iyong provider. Kung nagrerenta ka, tanungin ang iyong landlord. 

Kung nagpadala ng abiso ang iyong provider ng tubig, posibleng hindi ligtas na gamitin, inumin, o ipakulo ang iyong tubig. Kung nakatanggap ka ng abiso gaya niyon, gumamit ng bottled water para sa:

  • Pag-inom
  • Baby formula
  • Pagsisipilyo
  • Paghuhugas ng mga pinggan
  • Paggawa ng yelo
  • Paghahanda ng pagkain
  • Pagpapakain sa mga alagang hayop

Kung binawi ng iyong provider ng tubig ang abiso tungkol sa tubig sa iyong lugar, puwede mong gamiting muli ang tubig mula sa gripo. I-flush ang iyong mga tubo ng tubig para maalis ang kontaminadong tubig sa iyong tahanan. Tandaang hindi maaasahan ang mga testing kit para sa tubig sa tahanan.

At tingnan kung may mga paalala tungkol sa kalidad ng tubig sa dagat. Kapag umulan, puwedeng umagos patungo sa karagatan ang mga lason mula sa sunog.

Pananatiling ligtas sa bahay

Kapag pinayagan ka nang bumalik sa tahanan, mag-ingat sa mga nakakalasong materyal at abo.

Pag-aalis ng mga mapanganib na basura

Inalis ng EPA ang mapanganib na basura ng tahanan mula sa mga nasunog na ari-arian.

Inalis nila ang mga nakakalason at sumasabog na materyal na nakikita nila. Kabilang dito ang mga bagay gaya ng mga pintura, baterya, at propane tank. Awtomatiko ang serbisyong ito at libre ito para sa iyo.  

Kung may makikita ka pa ring mapanganib na basura pagkatapos linisin ng EPA ang iyong tahanan, huwag itong pakikialaman. Ito ay nakakalason at puwedeng magdulot ng mas marami pang sunog. Kung may marinig kang pumuputok o sumasagitsit o may makita kang usok, umalis kaagad sa lugar at tumawag sa 911.

Kung isa kang manggagawa sa isang nililinis na site na pinangyarihan ng sunog, alamin kung paano manatiling ligtas habang nagtatrabaho ka.

Alamin pa ang tungkol sa paglilinis ng EPA at sa susunod na yugto ng paglilinis.

Abo, alikabok, at kalat

Protektahan ang iyong sarili mula sa abo, alikabok, at kalat. Posibleng naglalaman ang mga ito ng lason at mga kemikal na nagdudulot ng kanser gaya ng asbestos, arsenic, at lead. Limitahan ang paghawak o pagdikit sa mga materyal na ito.

May ilang grupo na mas sensitibo sa mga materyal na ito. Dapat silang lumayo sa kalat at sa paglilinis. Kabilang sa mga ito ang:

  • Mga taong may sakit sa puso o baga (gaya ng hika)
  • Mga nakatatanda
  • Mga buntis
  • Mga bata
  • Mga alagang hayop

Kung ikaw ay makakakita ng abo at makakaamoy ng usok, kailangan mong linisin ang iyong tahanan. Walang pagsusuri sa laboratoryo na makakatukoy kung ligtas ang iyong ari-arian. 

Iwasang ikalat ang abo sa pamamagitan ng pagma-mop nang basa. Ilagay ang kalat at abo sa plastic na trash bag at itapon ito sa iyong regular na basurahan. Kung malalagyan ka ng abo sa iyong balat, hugasan ito ng mainit na tubig at sabon sa lalong madaling panahon. Manatiling ligtas sa pamamagitan ng pagsusuot ng:

  • N-100 o P-100 respirator
  • Rubber gloves
  • Booties
  • Mga long-sleeved na shirt
  • Mahahabang pantalon
  • Medyas at sapatos
  • Safety goggles (hindi salamin)

Hindi ka mapoprotektahan ng mga N95 mask mula sa asbestos. Matuto pa tungkol sa mga respirator na makakaprotekta sa iyo. Puwede kang makakuha ng personal protective equipment sa Disaster Recovery Center.

Matuto pa tungkol sa paglilinis ng alikabok at kalat pagbalik ng tahanan.

Kalusugan at kapakanan

Medikal na tulong

Kunin ang gamot na kailangan mo sa pamamagitan ng pederal na Emergency Prescription Assistance Program. Tumutulong ang programang ito sa mga taong walang insurance na magpalit ng mga reseta o medikal na kagamitan.

Humingi ng tulong sa personal sa Disaster Recovery Center. Puwede kang ikonekta ng mga nurse sa mga referral at access sa mga gamot.

Kung kailangan mo ng insurance sa kalusugan, puwede kang kumuha ng Medi-Cal.

Kalusugan ng pag-iisip

Mahirap at kumplikadong i-navigate ang muling pagbangon mula sa sakuna. Makatanggap ng suporta sa pag-iisip at emosyonal na suporta para sa iyong sarili at sa mga mahal mo sa buhay.

Tawagan ang CalHOPE Warm Line, isang 24/7 na peer-run hotline. Nagbibigay ito ng libre at kumpidensyal na emosyonal na suporta. Maghanap ng higit pang libre at kumpidensyal na suporta para sa kabataan at mga nakatatanda.

Alamin kung may Employee Assistance Program sa iyong lugar ng trabaho. Posible itong mag-alok ng kumpidensyal na paggabay at suporta.

Mga benepisyo para sa mga injury sa panahon ng sakuna

Kung nagkaroon ka ng injury o ang iyong mga mahal sa buhay dahil sa wildfire, puwede kang maging kwalipikado para sa mga benepisyo.

Nagbibigay ang Insurance para sa May Kapansanan ng mga pansamantalang suweldo kung hindi ka makapagtrabaho dahil sa injury.

Nagbibigay ang May Bayad na Leave para sa Pamilya ng mga benepisyo kung kailangan mong magbakasyon para alagaan ang miyembro ng pamilyang may malubhang karamdaman.